Թուրքիան առաջարկում է օգնություն Ուկրաինայում հրադադարի մոնիթորինգի հարցում

Թուրքիայի արտգործնախարար Հաքան Ֆիդանը Ռուսաստանի և Ուկրաինայի միջև բանակցությունների մեկնարկին հայտարարել է, որ Անկարան ունի ենթակառուցվածքներ՝ կողմերի միջև հրադադարի պահպանմանը հետևելու համար, հաղորդում է « «Коммерсантъ»-ը։

Նա ընդգծել է, որ թուրքական կողմը մտադիր է շարունակել միջնորդական գործունեությունը հակամարտությունը կարգավորելու համար։

«Թուրքիան միշտ պատրաստ է կատարել իր պարտավորությունները՝ կողմերի միջև համաձայնագրերի կնքմանն առնչվող գործընթացը առաջ մղելու առումով։ Եթե կա հրադադարի հասնելու համաձայնություն, մենք ունենք անհրաժեշտ ենթակառուցվածքները՝ հրադադարը վերահսկելու համար»,- Ստամբուլում անցկացված բանակցությունների ժամանակ հայտարարել է Հաքան Ֆիդանը։

Կրեմլը հայտարարել է, որ Ռուսաստանի և Ուկրաինայի միջև բանակցությունների երրորդ փուլի հիմնական թեման հունիսի 2-ի հանդիպման ժամանակ կողմերը փոխանակել են ռազմական գործողությունների դադարեցման պայմանների վերաբերյալ հուշագրերը։ Միևնույն ժամանակ, ուկրաինական կողմը «անհապաղ հրադադարի» հարցը համարում է առաջնահերթություն։ Այս հնարավորությունը քննարկելիս Ռուսաստանի նախագահ Վլադիմիր Պուտինը ուշադրություն է հրավիրել հրադադարի մոնիթորինգի մեխանիզմների քննարկման անհրաժեշտության վրա։