Ծաղկաձորում քառանիվի վթարի հետևանքով մահացած անչափահասները շրջանավարտ չեն

Ծաղկաձորում մայիսի 24-ին տեղի ունեցած ողբերգական ավտովթարի հետևանքով մահացել է երկու դեռահաս աղջիկ։ «Արմենպրես»-ի հաղորդմամբ՝ ՀՀ ներքին գործերի նախարարությունը տեղեկացնում է, որ մահացածները 2009 թվականին ծնված երեխաներ են, իսկ շրջանավարտ լինելու մասին մամուլում շրջանառվող տեղեկությունը չի համապատասխանում իրականությանը։

Ըստ ՆԳՆ պաշտոնական հաղորդագրության՝ վթարը տեղի է ունեցել ժամը 11։30-ի սահմաններում Ծաղկաձորի Վահագն Հարությունյան փողոցում։ Քառանիվի վարորդը կորցրել է մեքենայի կառավարումը, ինչի հետևանքով տեղի է ունեցել ինքնավթար։

Տրանսպորտային միջոցում գտնվող մյուս երկու ուղևորները մարմնական վնասվածքներ ունեն և բուժօգնություն են ստանում։