Հռոմի Լեւոն XIV պապն, ամենայն հավանականությամբ, կայցելի Թուրքիա և Պերու

Նոր Հռոմի Լեւոն XIV պապն, ամենայն հավանականությամբ, կմեկնի Թուրքիա կամ կայցելի Պերու, որտեղ նա ավելի քան 20 տարի ծառայել է որպես միսիոներ և որտեղ գտնվում է նրա ծխական համայնքը, բայց մտադիր չէ մեկնել իր հայրենիք՝ Միացյալ Նահանգներ։

«Չեմ կարծում»,- Պողոս VI-ի լսարանում անցկացված հանդիպման ժամանակ պատասխանել է նա լրագրողների հարցին, թե արդյոք նա նոր կարգավիճակով մտադիր է մեկնել Միացյալ Նահանգներ, որտեղ ծնվել և մեծացել է։ Ընդհակառակը, նրա պատասխանն ամերիկացի լրագրողին կարելի է հասկանալ որպես Պերու այցելելու մտադրություն. «Շուտով սպասեք ինձանից լուրերի Պերուում»։

Երբ Լեւոն XIV-ին հարցրել են՝ արդյոք նա կմեկնի Թուրքիա Նիկեայի Ա տիեզերական ժողովի 1700-ամյակին մասնակցելու համար, նա պատասխանել է. «Գիտեմ, որ ուղեւորությունը նախապատրաստված է»։ Միջոցառումները սկզբնապես նախատեսված էին մայիսի վերջին, սակայն հնարավոր է, որ դրանք հետաձգվեն։ Քրիստոնյաների միասնությունը նշող այս ամսաթիվը նշելու գաղափարը պատկանում էր նախորդ՝ Ֆրանցիսկոս պապին։ Գլխավոր կազմակերպիչը Կոստանդնուպոլսի պատրիարքարանն է։