Վանկուվերում փառատոնի ժամանակ մեքենան մխրճվել է բազմության մեջ․ կան զոհեր ու վիրավորներ

Կանադական Վանկուվեր քաղաքում փառատոնի ժամանակ մեքենան մխրճվել է հավաքված մարդկանց բազմության մեջ։ Կատարվածի հետևանքով կան զոհեր ու վիրավորներ, որոնց թիվը դեռևս չի հաղորդվում։ X-ի էջում տեղեկությունը հայտնում է քաղաքի ոստիկանությունը:

Դեպքը տեղի ունեցել տեղական ժամանակով 20։00-ի սահմաններում (Երևանի ժամանակով՝ առավոտյան 7։00)։

Տեղական լրատվամիջոցները հայտնում են, որ միջադեպը տեղի է ունեցել ֆիլիպինյան մշակույթին նվիրված Լապու-Լապու ամենամյա փառատոնի ժամանակ։

Վանկուվերի քաղաքապետ Քեն Սիմը X-ի իր էջում նշել է, որ «ցնցված է և խորապես վշտացած այսօր Լապու Լապուի միջոցառման ժամանակ տեղի ունեցած սարսափելի միջադեպից»։

«Մեր մտքերը բոլոր տուժածների և Վանկուվերի ֆիլիպինյան համայնքի հետ են այս աներևակայելի դժվարին ժամանակահատվածում»,- գրել է քաղաքապետը։

Ոստիկանությունից հայտնում են, որ վարորդը ձերբակալված է։ Հետաքննությունն է իրականացվում։

Տեսանյութը՝ այստեղ: