Հրատապ. խուզարկում են «Մայր Հայաստան» դաշինքի Գյումրու գրասենյակը, համակիրների և շտաբի պետի բնակարանները

Գյումրիից ահազանգում են, որ վաղ առավոտվանից իրավապահ համակարգի ներկայացուցիչները Փաշինյանի երեկվա սպառնալից ելույթներից հետո «մասկի շոու» են սկսել և խուզարկում են «Մայր Հայաստան» դաշինքի Գյումրու գրասենյակը, համակիրների և շտաբի պետի բնակարանները, արդեն կան բերման ենթարկվածներ:

Ըստ դաշինքի առաջնորդ Կարեն Սիմոնյանի և նախընտրական բլոկի ներկայացուցիչների՝ այս ամենը հատուկ արվում է դաշինքի մեծ հանրահավաքի օրը, որպեսզի խանգարեն «Մայր Հայաստանի» նախըտրական քարոզչությանը, շեղեն մարդկանց իրենց գործից:

Տեղում խուզարկություն իրականացնողներից պարզ դարձավ, որ այնտեղ գործողություն են իրականացնում Հակակոռուպցիոն կոմիտեի, ոստիկանության առանձին վարչությունների ներկայացուցիչներ: Արդեն լուր է ստացվել, որ խուզարկության շրջանակներում «Մայր Հայաստան» դաշինքի ներկայացուցիչ Էմմա Գրիգորյանին տեղափոխում են Երևան, ով նաև վատառողջ է և ունի ներքին արյունահոսություն:

Էմմա Գրիգորյանը, ում տանում են Երևան՝ Հակակոռուպցիոն կոմիտե, «Մայր Հայաստան» դաշինքի ընտրական ցուցակի ներկայացուցիչ է, երկու անչափահասի մայր է:

Իրադարձություններին կարող եք հետևել ուղիղ հեռարձակմամբ։