Այդ լքված բնակարանները կվերանորոգենք ու կհատկացնենք տնակներում ապրող ընտանիքներին․ Գյումրու քաղաքապետ

Գյումրիի քաղաքապետ Վարդան Ղուկասյանը հայտարարել է, որ քաղաքում իրականացվում է Բուլվարային թաղամասի շենքերի գույքագրում։ Բացահայտվել են մի շարք ամբողջությամբ լքված բնակարաններ, որտեղ արդեն 10-20 տարի ոչ ոք չի բնակվում։

Եթե այդ բնակարանները չլինեն սեփականաշնորհված, ապա քաղաքապետարանը կվերանորոգի դրանք՝ փոխելով դռներն ու պատուհանները, կատարելով նաև ներսի հարդարման աշխատանքները։

Այդ բնակարանները նախատեսվում է հատկացնել տնակներում բնակվող բազմազավակ ընտանիքներին՝ առաջնահերթ նրանց, ովքեր ունեն անչափահաս երեխաներ։

Նրա խոսքով՝ շուրջ 30 նման բնակարան արդեն հայտնաբերված է, և այս գործընթացը կշարունակվի։ Կան նաև շենքեր, որոնք լքված են, կտուր չունեն, բայց ընդհանուր վիճակը բավարար է, և վերանորոգման ծախսերը շատ մեծ չեն։

Այս նախաձեռնության նպատակն է՝ վերջապես բնակարան տրամադրել այն մարդկանց, ովքեր շուրջ 37 տարի ապրում են տնակներում։

Մանրամասն՝ տեսանյութում։