ՈՒՂԻՂ․ Ոստիկանությունում խոշտանգված Տիգրան Ուլուբաբյանին կրկին հարցաքննում են․ քաղաքացիները ՔԿ-ի դիմաց են

Այս պահին Քննչական կոմիտեի դիմաց են հավաքվել մեծ թվով քաղաքացիներ՝ սատարելու և իրենց դժգոհությունը հայտնելու՝  արցախցի  Տիգրան Ուլուբաբյանի  նկատմամբ կատարվածի վերաբերյալ։
 

Նշենք, որ Տիգրան Ուլուբաբյանի նկատմամբ Ոստիկանության Լոռու մարզային վարչությունում կատարված բռնության դեպքով Քննչական կոմիտեն քրեական վարույթ է հարուցել՝ մի խումբ անցանձ կողմից խոշտանգման հոդվածով:
 

Հիշեցնենք, որ արցախցի Տիգրան Ուլուբաբյանին կանչել էին սկզբում Քննչական կոմիտե, իսկ հետո՝ Ոստիկանության Լոռու մարզային վարչություն, հարցաքննել՝ մեղադրելով նրան, թե կապ ունի ենթադրյալ հանցագործների հետ: Տիգրան Ուլուբաբյանի փաստաբան Ռոման Երիցյանը հայտարարել է, որ, փաստացի, արցախցի երիտասարդի նկատմամբ խոշտանգում է տեղի ունեցել։ Ոստիկանության Լոռու մարզային վարչությունում նրա նկատմամբ բռնություն են կիրառել, հայհոյանքներով ու անհարգալից վերաբերմունքով ստիպել խոստովանական ցուցմունք տալ:
 

Նաև նշենք, որ 29-ամյա երիտասարդը Արցախից 2023 թվականին է տեղահանվել: Եղբայրը զոհվել է 2017-ին ադրբեջանական դիվերսիայի հետևանքով: Ծնողները նույնպես մահացած են։ Տեղահանվելուց հետո նա վարձով բնակվում է Վանաձորի նույն թաղամասում, ուր օրեր  առաջ տեղի է ունեցել զենքի գործադրմամբ ավազակային հարձակման ու գողության դեպքը: