Թուրքիայում հարցաքննում են հայերին՝ կիսո՞ւմ են Հայկական սփյուռքի դիրքորոշումը, թե՞ ոչ

Թուրքիայում Հայոց ցեղասպանության ճանաչման դեմ պայքարի միության նախագահ Գյոքսել Գյուլբեյն այցելել է Հաթայի Սամանդաղ շրջանում գտնվող հայկական Վաքըֆլը գյուղ:

Ըստ Haberler-ի՝ Գյուլբեյն այցելել է գյուղի հայերին և Հայոց ցեղասպանության 100-ամյա տարելիցի կապակցությամբ լսել նրանց կարծիքները:

«Խոսեցի, որպեսզի տեղեկանամ, թե նրանք այդ հարցում կիսո՞ւմ են Հայկական սփյուռքի դիրքորոշումը, թե՞ ոչ»,- ասել նա` նշելով, թե իբր հայերն ուրախ են ապրել Թուրքիայում և լինել այդ երկրի քաղաքացիներ:

Եզրափակելով խոսքը՝ Գյուլբեյը հայտնել է, թե «սուտ» են Հայկական սփյուռքի բոլոր այն պնդումները, թե Թուրքիայում հայերին ճնշում են, զրկում ազատ խոսքի իրավունքից, կրոնից, որոնց միջոցով փորձում են Թուրքիային վատ ներկայացնել: