«Օրեշնիկ» և «Ավանգարդ» հրթիռային համակարգերը նոր նյութերի ստեղծման աշխատանքների արդյունք են. Պուտին

«Օրեշնիկ» և «Ավանգարդ» հրթիռային համակարգերը նոր նյութերի ստեղծման ուղղությամբ գիտնականների աշխատանքի արդյունքն են, ասել է ՌԴ նախագահ Վլադիմիր Պուտինը։

«Ողջ աշխարհը խոսում է «Օրեշնիկի» մասին։ Մարտագլխիկների վրա ջերմաստիճանը հավասար է Արեգակի մակերեսի ջերմաստիճանին»,- ուրբաթ ասել է Պուտինն «Ապագա տեխնոլոգիաների ֆորումի» լիագումար նիստի ժամանակ, փոխանցում է Интерфакс-ը։

Սա նոր նյութերի վրա աշխատանքի արդյունք է։ 80-ականներից մենք մշակում ենք սահող թռչող բլոկի համակարգեր, այն անվանել ենք «Ավանգարդ»: Այնտեղ ջերմաստիճանները մի փոքր ավելի ցածր են, քան Արեգակի մակերեսին», - ասել է նախագահը:

Պուտինը նշել է, որ 1980-ականներին նման համակարգեր պատրաստելն ուղղակի անհնար էր, քանի որ դրանց համար համապատասխան նյութեր չկային։