ՏԵՍԱՆՅՈՒԹ. Ռուսական բանակը համալրվել է «Ավանգարդ» գերձայնային հրթիռային համակարգերով

Ռուսաստանի Պաշտպանության նախարար Սերգեյ Շոյգուն տեղեկացրել է ՌԴ նախագահ Վլադիմիր Պուտինին, որ ՌԴ ԶՈւ-ում մարտական հերթապահությունն է սկսել  ռազմավարական նշանակության գերձայնային «Ավանգարդ» համակարգերի առաջին գունդը. ըստ Yerkir.am-ի՝ հայտնում է «ՌԻԱ Նովոստին»:

«Այսօր առավոտյան մարտական հերթապահության է անցել «Ավանգարդ» ռազմավարական նշանակության հրթիռային համալիրը: Շնորհավորում եմ բոլորիս այս նշանակալի իրադարձության կապակցությամբ», - հայտարարել է Շոյգուն:

Համակարգերը տեղակայվելու են Օրենբուրգի մարզում:

Նշենք, որ «Ավանգարդի» մասին անցյալ տարի հայտարարել էր Պուտինը: Այսպիսով Ռուսաստանը դարձավ աշխարհում առաջին պետությունը, ով ունի գերձայնային զինատեսակ:

«Ավանգարդն» ունակ է իրականացնել թռիչքներ մթնոլորտի խիտ շերտերում՝ միջմայրցամաքային տարածություններով: Արագությունը գերազանցում է Մախի թիվն ավելի քան 20 անգամ: Հրթիռները համարվում են անխոցելի ցանկացած ՀՕՊ համակարգերի համար:

Պուտինն այն անվանել էր ադեկվատ և համաչափ պատասխան ԱՄՆ հակահրթիռային պաշտպանության համակարգերի դեմ: