Թրամփը Կանադային առաջարկել է դառնալ ԱՄՆ 51-րդ նահանգը

ԱՄՆ նորընտիր նախագահ Դոնալդ Թրամփը Կանադային առաջարկել է միանալ Միացյալ Նահանգներին՝ որպես 51-րդ նահանգ: Այս մասին նա գրել է Truth Social սոցիալական ցանցում։

Այսպես է քաղաքական գործիչն արձագանքել Կանադայի վարչապետ Ջասթին Թրյուդոյի՝ հրաժարական տալու մտադրության մասին հայտարարությանը: «Միացյալ Նահանգներն այլևս չի կարող հանդուրժել առևտրի հսկայական դեֆիցիտներն ու սուբսիդիաները, որոնք աջակցում են Կանադային», - ասաց նա:

Թրամփը կարծում է, որ երկու երկրների միավորումը կօգնի վերացնել առեւտրային սակագները, նվազեցնել հարկերը եւ Կանադային երաշխավորել «լիակատար անվտանգություն ռուսական եւ չինական նավերի սպառնալիքներից, որոնք մշտապես շրջապատում են իրեն»: