Որքանո՞վ է ճիշտ խոսել ՀՀ-ի և Իրանի մասին ներկայիս սահմաններում․ իրանցի փորձագետի արձագանքը Էրդողանի՝ Թուրքիան մեծացնելու մասին հայտարարությանը

Իրանցի քաղաքական վերլուծաբան, «Հայաստան-Իրան համագործակցության զարգացման հիմնադրամ»-ի նախագահ Փույա Հոսեյնին գրում է․

«Թուրքիան չի սահմանափակվում իր 782 հազար քառ. կմ սահմաններում. Էրդողան

«Մենք պետք է տեսնենք այն առաքելությունը, որը պատմությունը դրել է մեր ուսերին, ընդունենք այն, և գործենք այդ ուղղությամբ»,- «Բեշթեփեի ազգային կոնգրեսում» հայտարարել է Թուրքիայի նախագահ Ռեջեփ Թայիփ Էրդողանը։

Շարունակելով իր հավակնոտ ելույթը, Էրդողանն ընգծել է, որ «Թուրքիան շատ ավելի մեծ է, քան ներկայիս 782 հազար քառ. կմ տարածքը»:

Նա հավելել է. «Նրանք, ովքեր դժգոհում են Սիրիայում, Լիբիայում և Սոմալիում մեր ներկայությունից, չեն հասկացել մեր ազգի պատմական առաքելությունը»։

Երբ մեր հարեւանները շարունակում են խոսել «Պատմական Ադրբեջանի», «Արևմտյան Ադրբեջանի» և «Պատմական Թուրքիայի» երազանքի և դրա վերադարձի անհրաժեշտության մասին, որքանո՞վ է ճիշտ խոսել Հայաստանի և Իրանի մասին ներկայիս սահմաններում»։