Ռուսաստանը համագործակցում է Սիրիայի իշխանությունների հետ. ՌԴ ԱԳՆ

Մոսկվան սերտ փոխգործակցության մեջ է Սիրիայի իշխանությունների հետ ՝ կապված երկրում ստեղծված իրավիճակի հետ: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է РИА Новости-ն։

«Անշուշտ, մենք առաջին հերթին համագործակցում ենք պաշտոնական Դամասկոսի հետ, սերտ կապի մեջ ենք։ Ես չեմ բացահայտի այդ շփումների էությունը, բայց կարող եմ հաստատել դրանք, մենք սերտ համագործակցության մեջ ենք Սիրիայի իշխանությունների հետ»,- ասել է նա չորեքշաբթի օրը կայացած ճեպազրույցում։

Հիշեցնենք՝ նոյեմբերի 27-ին «Ջեբհաթ ան Նուսրա»-ի զինյալները խախտել են հրադադարի մասին համաձայնագիրը և գրոհել Սիրիայի Հալեպ և Իդլիբ Նահանգների վրա: Սիրիական բանակին աջակցում են Ռուսաստանի օդատիեզերական ուժերը՝ հարվածներ հասցնելով ահաբեկիչների տեխնիկային, կառավարման կետերին, պահեստներին և հրետանային դիրքերին։ Նոյեմբերի 30-ին հայտնի դարձավ, որ թուրքամետ արմատական խմբավորումները գիշերվա ընթացքում գրեթե ամբողջությամբ գրավել են Սիրիայի Հալեպ քաղաքը, իսկ Հալեպի գլխավոր հյուպատոսությունն ու Հայկական մարդասիրական առաքելությունը տարհանվել են։