Իրանն ԱՄՆ-ին է փոխանցել Հորմուզի նեղուցի բացման յոթօրյա ծրագիրը. Արաղչի

Իրանն ԱՄՆ-ին է փոխանցել Հորմուզի նեղուցի բացման յոթօրյա ծրագիրը, հայտարարել է Իրանի ԱԳ նախարար Աբբաս Արաղչին:

«Իրանը Կատարի միջոցով Միացյալ Նահանգներին է փոխանցել կոնկրետ յոթօրյա ծրագիր։ Եթե պահպանվեն անհրաժեշտ պայմանները, նեղուցը կարող է վերաբացվել և նորմալ նավագնացությունը կարող է վերականգնվել յոթ օրում», - ՄԱԿ-ի Գլխավոր ասամբլեայի շրջանակներում լրագրողներին ասել է Արաղչին։

Հիշեցնենք՝ ԱՄՆ-ն և Իրանը բանակցություններ են անցկացրել Նյու Յորքում ՄԱԿ-ի Գլխավոր ասամբլեայի շրջանակներում՝ Կատարի միջնորդությամբ: ԶԼՄ-ների տվյալներով՝ խորհրդակցությունները շարունակվել են մոտ երեք ժամ։ ԱՄՆնախագահ Դոնալդ Թրամփը դրանք «շատ արդյունավետ» է անվանել, ընդ որում կողմերը դեռ չեն հայտարարել պայմանավորվածությունների ձեռքբերման մասին: