Մենք ամեն օր էլ ձախողում ենք ․ Փաշինյանի պատասխանը՝ ընդդիմադիր պատգամավորին

 «Ձեր իշխանության առաջին օրվանից ողջ ուժերը կենտրոնացրել եք այսպես ասած՝  նախկինների,  թալանչիների, կոռուպցիոների վրա։ Ձեր ողջ քաղաքական, քարոզչական բուրգը կառուցված է դրա վրա։ Արդյունքում ունենք մի իրավիճակ,որ ամեն տարի հանրապետությունում հանցավորության ցուցանիշներն աճում են։ Երեկ մի ցուցանիշ եմ ներկայացրել համաձայն որի ՝ հանցագործության ցուցանիշն աճել է 8 տոկոսով, ծանր հանցագործության դեպքերն ավելացել են 37 տոկոսով, ավազակության դեպքերը՝ 46 տոկոսով»,- ԱԺ-ում հայտարարեց «Հայաստան»  խմբակցության պատգամավոր Ագնեսա Խամոյանը՝ շարունակելով

«Ձեր ընդդիմախոսների վրա հայտարարություններ անելով, գործեր հարուցելով քաղաքական կապիտալ եք կուտակում, իսկ ՀՀ քաղաքացին իր երեխային մեծացնում է մի մթնոլորտում, որտեղ թմրանյութ ձեռք բերելը կոնֆետ ձեռք բերելու  նման հեշտ գործընթաց է դարձել»։

Ըստ  պատգամավորի՝ հասել ենք մի կետի, երբ զինված հանցագործին շարքային  համայնքային ոստիկանն է գնում վնասազերծելու, մինչդեռ 18 տարեկան ցուցարարին կարող է վնասազերծել օրինակ՝ Հայկազ Ջոմարդյանը։

Մանրամասն՝ տեսանյութում։