Աշոտյանը մեծ տրամաչափի գործիչ է. առաջ հանդիպում էինք բրյուսելներում, հիմա՝ «վառանյոկներում». Մամիկոն Ասլանյան

«Մեր երկրում թե՛ քաղաքական, թե՛ իրավական պրոցեսներն այնքան անհասկանալի հունով են գնում, որ պլաններ կան, բայց չի ստացվում»,-լրագրողների հետ ճեպազրույցի ժամանակ ասաց Վանաձորի նախկին քաղաքապետ Մամիկոն Ասլանյանը՝ պատասխանելով այն հարցին, թե ինչ քաղաքական նպատակներ կան։

Ասլանյանը բացատրեց, որ ընտրական վեճերն առավելագույն սեղմ ժամկետում պետք է քննվեն և որոշում կայացնեն, ինչը ՀՀ-ում կարծես 5 օր է, մինչդեռ Վանաձորում տևում է 2 տարի 9 ամիս և դեռ շարունակվում է։

«Այս իրադրության մեջ պատկերացնել, թե ընտրությունների միջոցով տեղական ժողովրդական միջոցներով հնարավոր էր ինչ-որ բան անել, փաստորեն հոդս են ցնդում և հասկանում ենք պլաններ կազմելը անշնորհակալ գործ է»,-ասաց նա։

Հարցին, թե՝ ամեն դեպքում նա ուզո՞ւմ է ղեկավարել Վանաձորը, Մամիկոն սլանյանը Ասլանյանը պատասխանեց. «Ես ինքնանպատակ ոչ մի բան չեմ ուզում, տիտղոսների ճանաչելիությամբ,  պաշտոնամոլությամբ չեմ տառապում։ Ես ուզում եմ լինել ժողովրդի պարտադրանքով ու թելադրանքով այն, ինչին արժանի եմ»,-ասաց նա։ 
 

Նշենք, որ Մամիկոն Ասլանյանի հետ լրագրողները զրուցում էին «Նուբարաշեն» ՔԿՀ-ի բակում, որտեղ հավաքվածները սպաում են Արմեն Աշոտյանի ազատ արձակմանը։

«Նուբարաշեն» ՔԿՀ-ից Արմեն Աշոտյանին  դեպի տուն ուղեկցեցին մեքենայով, ինչով պայմանավորված լրագրողները հնարավորություն չունենցան տեսնել և հարցեր ուղղել Արմեն Աշոտյանին։
Հիշեցնենք, որ Արմեն Աշոտյանը կալանքի տակ էր 15 ամիս։ Դատարանը երեկ փոխել է նրա խափանման միջոց կալանքը՝ տնային կալանքով և գրավով՝ 25 մլն դրամի չափով։