Ինչո՞ւ է 300,000 ՀՀ քաղաքացի «վտարվել» պոլիկլինիկաներից. նախարարի պատասխանը

«Առողջության իրավունք» իրավապաշտպան ՀԿ-ն հայտարարություն է հրապարակել, որով  մտահոգություն են հայտնում, որ  Առողջապահության նախարարությունը, առանց իրավական հիմքերի,  իրականացրել է բնակիչների ապակցում՝ առողջության առաջնային պահպանման (ԱԱՊ) ծառայություններից օգտվելու համակարգից դուրս թողնելով շուրջ 300․000 քաղաքացու, որոնք ՀՀ քաղաքացի են , բայց ժամանակավոր կացությամբ հաստատված են արտերկրում։ Խնդիրն այն է, որ բնակիչներին տվյալ համակարգից ապակցելու հետևանքով բուժհաստատություններին տրվող ֆինասավորումն է նվազում, ինչի հետևանքով պոլիկլինիկաները, բուժհաստատությունները լրջագույն խնդիրների առջև են կանգնելու։ Մասնավորապես նշվում է, որ ամբուլատորիաները և պոլիկլինիկաներն ունենում են բնակչի սպասարկման հետ կապված խնդիրներ և ֆինանասկան նվազեցումներ՝ դրա հետևանքով, որն իրավական հիմքեր չունի։
 

Խնդրի հետ կապված, Yerkir.am-ն այսօր կառավարության նիստից հետո դիմեց նախարար Անահիտ Ավանեսյանին՝ հարցնելով, թե արդյո՞ք տեղյակ է «Առողջության իրավունք» իրավապաշտպան ՀԿ-ի տարածած սույն հայտարարության մասին, ինչին ի պատասխան Ավանեսյանը նշեց․

«Խորհուրդ կտամ լավ կարդան իրավական ակտերը»։

Փորձեցինք ճշտել, թե հատկապես ինչի՞ն է վերաբերվում հնարավոր թյուրըմբռնումը, նախարարն ասաց, խնդրի հետ կապված մյուս հարցերը գրավոր ընթացակարգով հասցեագրենք նախարարություն և կպատասխանեն։
 

Մանրամասն՝ տեսանյութում։