կարևոր
4072 դիտում, 2 շաբաթ առաջ - 2024-07-05 23:13
Հասարակություն

Մեր Սրբազան պայքարն ի զորու է երկրում վերջապես հաստատել իրական սահմանադրականություն․ Սրբազան

«Ցավով պետք է փաստենք, որ մենք ունենք Սահմանադրություն, բայց չունենք սահմանադրականություն: Այս իշխանությունը զուտ խոսքով ցույց է տալիս, թե իր համար Սահմանադրությունը, իբր, հիմնարար արժեք է, ուստի ձգտում է բարեփոխել, բայց յուրաքանչյուր մարդ վաղուց է հասկացել, որ իրենց համար գոյություն չունի Սահմանադրություն, իրենց համար հիմնական օրենքն իրենց իրավիճակային ցանկությունները, կրքերն ու անհագ ախորժակն է, ինչի արդյունքում պետությունը հայտնվել է համատարած աղետի ու խորը ճգնաժամի մեջ»,- Սուրբ Աննա եկեղեցու բակում նշեց Բագրատ Սրբազանը:

Սրբազանը ժողովրդին պատգամեց սրբորեն պահպանել պետության հիմնական օրենքը՝ Սահմանադրությունը, ղեկավարվել բացառապես Սահմանադրությամբ։

«Մեր Սրբազան պայքարն ունի հստակ ծրագիր, գործունեության ազգային տեսիլք և ի զորու է երկրում վերջապես հաստատելու իրական սահմանադրականություն և իրավունքի գերակայություն»,- խոսքն ամփոփեց Բագրատ Սրբազանը։