Կար ցուցակ, որտեղ գրված էր, թե անձն ինչ դիրք ունի ՀՅԴ-ում, ըստ դրա՝ ընտրվում էր ամենախիստ խափանման միջոցը․ փաստաբան

«Ի սկզբանե պարզ է, որ ձերբակալությունները, հետագայում այդ անձանց կալանքի տանելու միջնորդությունները,  պայմանավորված են եղել կոնկրետ անձնանց, կոնկրետ կուսակցական լինելու, խոսքը ՀՅԴ մասին է, հանգամանքով, և այդ  կուսակցությունում նրանց զբաղեցրած դիրքից, կապերից։Կար ցուցակ, որտեղ գրված էին անուններ, ինչ պաշտոն են զբաղեցնում, ինչ կարգավիճակ ունեն ՀՅԴ գրասենյակում, ինչ կապեր, հնարավորություններ ունեն, ըստ դրա էլ ընտրվում էր ամենախիստ խափանման միջոցներ կիրառելու հարցը»,- ՀՅԴ-ի դեմ սկիզբ առած բռնաճնշումների թեմայով ասուլիսում ասաց փաստաբան Արսեն Բաբայանը։

 Բաբայանի խոսքով՝ հաջորդ  խնդիրը, որ առկա էր, ցանկանում էին ամեն եղանակով ստանալ, իրենց համար ցանկալի ցուցմունքն էր. «Ցանկալի ցուցմունքն էր՝ որևէ մեկը հայտարարի, որ իսկապես գումար է բաժանվել որևէ մեկին և ոստիկանության մարզային վարչության բարձր ղեկավարության կողմից մի քանի անձի նկատամբ կոնկրետ փորձեր են արվել։ Հենց ոստիկանության բաժիններում առաջարկվել  են ցուցմունքներ տալ, որ, ասեն՝ «փող ենք տվել ու դուք անմիջապես ազատ կարձակվեք»։ Ում նման առաջարկ է արվել, բոլորը կալանավորված են, դա նշանակում է, որ չեն համաձայնվել նման ցուցմունք տալ, որովհետև չի էլ եղել նման հանգամանք, որ նման ցուցմունք տան»։
 

Մանրամասն՝ տեսանյութում։