ԱՄՆ - ում ցանկանում են պատժամիջոցներ սահմանել Վրաստանի դեմ օտարերկրյա գործակալների մասին օրենքի պատճառով

ԱՄՆ Սենատը կքննարկի օտարերկրյա գործակալների մասին օրենքի պատճառով Վրաստանի դեմ պատժամիջոցների մասին երկկուսակցական օրինագիծը: Այս մասին հայտնում է Politico-ն՝ վկայակոչելով իր աղբյուրները։

ԱՄՆ Սենատի նախաձեռնությունը ոչ միայն նպատակ ունի սահմանափակումներ դնել իշխող «Վրացական երազանք» կուսակցության և այլ պաշտոնյաների վրա, այլև նախատեսում է առնվազն 50 միլիոն դոլար հատկացնել «Վրաստանում ժողովրդավարության և օրենքի գերակայության նախագծերին աջակցելու համար», ինչպես նաև երկրում «օտարերկրյա վնասակար ազդեցության» հետաքննություն է նախաձեռնում:

Նշվում է, որ օրինագիծը նաև կոչ է անում դադարեցնել ԱՄՆ-ի և Վրաստանի միջև ռազմավարական երկխոսությունը, որի ընթացքում «երկու երկրները համատեղ աշխատել են անվտանգության և ժողովրդավարության հարցերի շուրջ»: