Գերմանիայի դպրոցականներն իսլամ են ընդունում դասընկերների ճնշման ներքո

Գերմանիայում ավելի ու ավելի շատ ծնողներ են դիմում խորհրդատվական կենտրոններին, քանի որ նրանց քրիստոնյա երեխաները ցանկանում են ընդունել իսլամ, որպեսզի դպրոցում չդառնան մերժված։ Այս մասին գրում է գերմանական Bild թերթը՝ վկայակոչելով պետական անվտանգության պաշտոնյային։

Պետական անվտանգության ծառայության աշխատակիցը հրատարակությանը տված հարցազրույցում հայտնել է գերմանական դպրոցներում մահմեդական երեխաների դաժանության դեպքերի մասին։ Ըստ նրա, իրավիճակը գնալով վատթարանում է. «Վերջին ութ տարիների ընթացքում դպրոցներում մահմեդական երիտասարդության և երեխաների համամասնությունը զգալիորեն աճել է, քրիստոնյա երեխաները փոքրամասնություն են դառնում խոշոր քաղաքների դպրոցներում»։

Նա նաև նշել է, որ շատ դեպքերում մահմեդական տղաներն իրենց շատ սպառնալից ու ագրեսիվ են պահում:

Նշվում է, որ Բոննի միջնակարգ դպրոցներից մեկում մուսուլման աշակերտները բռնության են ենթարկել իրենց ընկերներին՝ փորձելով պահպանել հագուստի որոշակի կանոնները դպրոցի բակում և ֆիզկուլտուրայի դասերին, իսկ Նոյսում որոշ աշակերտներ ցանկացել են հանդես գալ որպես «շարիաթի ոստիկանություն» և կիրառել իսլամական կանոնները։ Վերջին դեպքի կապակցությամբ պետական անվտանգության ծառայությունը ստիպված է եղել հետաքննություն անցկացնել։

Բացի այդ, ըստ գերմանական Focus ամսագրի, Քյոլնում են եղել իսլամի բռնի տարածման դեպքեր։ 2022 և 2023 թվականներին Քյոլնի դպրոցներում հայտնի է մոտավորապես 20 միջադեպ՝ կապված իսլամացման հետ։