Դպրոցականներն օգնում են դպրոցականներին

Անանիա Շիրակացու անվան ճեմարանի և Հայրապետ Հայրապետյանի անվան N 78 դպրոցի  12-րդ դասարանի աշակերտներ Վահան Կոստանյանն ու Դավիթ Պետրոսյանը, արդեն մեկ ամիս է, ինչ իրականացնում են ՙՆրանց միայն դպրոցական պարագաներ են անհրժեշտ / They just need stationary/՚ հասարակական ծրագիրը, որի հիմնական առաքելությունը՝  օգնել կարիքավոր երեխաներին  գրենական պիտույքով: Դեռևս օգոստոսին պատանիներն իրենց ընկերների հետ պատրաստել էին դրամարկղեր և տեղադրել քաղաքի տարբեր հասարակական վայրերում: Հանգանակությունից ստացված ողջ հասույթով քաղաքի առավել անապահով ընտանիքների ավելի քան 36 երեխաներ ապահովվել են դպրոցական պիտույքներով, իսկ սեպտմբեր ամսվա ավարտին նրանց թիվը կգերազանցի 50-ը: Ծրագրին օժանդակած ՄԱԿ-ի գրասենյակում,«ՙԲուկինիստ», «Նոյան տապան» գրախանութներում, Ալֆա-ֆարմ դեղատների ցանցում,  «Disc world»-ում,  «Square one»-ում, դպրոցներում և այլ կառույցներում տեղադրված դրամարկղերից ստացված հասույթը կազմում է 180 հազար դրամ: Սակայն ծրագիրն իրականացնող պատանիները միայն դրամարկղերով չեն սահմանափակվել. Ազատության հրապարակում ավելի քան 30 դպրոցականներ կազմակերպել էին համարգային միջոցառում, որի ընթացքում հավաքվել էր թե՜ գումար և թե գրենական պիտույքներ: Սակայն, ինչպես ասում են տղաները.ՙ Կարևորը գումարի չափը չէ, այլ այն, որ յուրաքանչյուրն իր հնարավորությունների սահմաններում փորձի աջակցել կարիքավոր երեխաներին՚: Միաժամանակ ծրագիրը հերքեց աշակերտության շրջանում տարածված այն տեսակետը, թե միայն մեծահարուստները կարող են աջակցել չքավոր երեխաներին:  Օրինակ՝ միայն 10 դրամանոցներով հավաքվել է ավելի քան 20 հազար դրամ:

Իրենց իսկ գաղափարը կյանքի կոչելու համար աշակերտները ծրագիրը տարածել են տարբեր տեղեկատվական և սոցիալական ցանցերում, բլոգներում՝  հույս ունենալով, որ կավելանա ծրագրի աջակիցների թիվը: Միայն facebook սոց.ցանցում «They just need stationary» էջը հավանել է 400 մարդ:

Դպրոցում իրենց առաջադիմությամբ աչքի ընկնող պատանիները խոստացան, որ  Երևանի այգիներից մեկում՝ որպես ծրագրի ավարտ, կկազմակերպեն ևս մեկ միջոցառում և կպատրաստվեն իրականացնել նոր՝ գալիք տարվա շեմին նախատեսվով ծրագիրը: