կարևոր
1543 դիտում, 1 ամիս առաջ - 2024-04-16 12:49
Քաղաքական

«Իսլամական պետությունը» ցեղասպանել է նաև ասորիներին․ պատգամավորը հանդես կգա՝ հիշատակի օր նշելու նախաձեռնությամբ

1933 թվականին, իրենց պատմական հայրենիքում՝ Իրաքի Սիմել քաղաքում ցեղասպանվեցին մոտ 5000 ասորիներ։ Իսկ 2014-ին  «Իսլամական պետություն» խմբավորումը ցեղասպանության ենթարկեց ասորիներին և եզդիներին։ Ելույթում այս մասին նշեց «Հայաստան» խմբակցության պատգամավոր Զեմֆիրա Միրզոևան։ Պատգամավորը տեղեկացրեց, որ հանդես է գալու նախաձեռնությամբ, որպեսզի օգոստոսի 7-ը սահմանվի ասորիների ցեղասպանության հիշատակի օր, քանի որ ասորական եկեղեցին ու կազմակերպությունները նույն այդ օրն են նշում այն։

ԱԺ արտահերթ նիստի օրակարգում՝ ՔՊ-ական պատգամավոր Ռուստամ Բաքոյանի ներկայացրած՝ «ՀՀ տոների և հիշատակի օրերի մասին օրենքում» լրացում կատարելու մասին օրենքի նախագիծն առաջին ընթերցմամբ ընդունելու մասին հարցն էր։ Նախագիծն առաջարկում է հայկական օրացույցում 2014 թ Իրաքի հյուսիսային Սինջար շրջանում ցեղասպանության ենթարկված եզդիների հիշատակի օր սահմանել օգոստոսի 3-ը։