Փաշինյանի սուտի «եվրոպամետ» շառլատանները բաժանվել են երկու խմբի. Տաթև Հայրապետյան

Ադրբեջանի հարցերով փորձագետ Տաթև Հայրապետյանը տելեգրամի իր ալիքում գրում է․ 

«Փաշինյանի սուտի «եվրոպամետ» շառլատանները բաժանվել են երկու խմբի, մեկն ասում է ռուսներն են մեզ ստիպում զիջման գնալ, մյուս ասում է հենց գնանք՝ կփրկվենք, դրանից հետո ինչքան վատ բան եղավ, միջազգային հանրությունը տեր է։ Վերջին փաստարկով նրանք տպավորություն են ստեղծում, թե իբրև Արևմուտքն է նման քայլի դրդում Փաշինյանին։

Իրականում տարբեր տեղերից եկող տեղեկատվությունը փաստում է, որ նույն Արևմուտքը շշմած չի հասկանում, թե ինչ է անում Փաշինյանը ու ինչու, քանի որ տրամաբանություն չկա, ֆիքսված քարտեզ էլ չկա, ոչ էլ երաշխիք կա։

Շառլատանները էլ մոռանում են, որ միջազգային հանրությանը Ալիևն ու Փաշինյանը գործընթացից դուրս են թողել, այնպես որ մի տեղից է այդ օրակագը թելադրվում, և այդ կետը Բաքուն է։ Այլ տեղերում պետք չի մեղավորներ փնտրել։ Դե իսկ մեր խնդիրների լուծումն էլ Երևանում է»։