Խոստովանանք՝ 100-ամյակին ընդառաջ. լույս է տեսել Մկրտիչ Սարգսյանի երկերի 5-րդ հատորը

«Հայաստան» հրատարակչությունը օրերս լույս է ընծայել մեծանուն մտավորական, բանաստեղծ, արձակագիր, մշակույթի վաստակավոր գործիչ Մկրտիչ Սարգսյանի (մայիսի 2, 1924, Ախալքալաք - հունիսի 23, 2002, Երևան) երկերի ժողովածուի 5-րդ հատորը, որը կրում է «Խոստովանություն» ընդհանուր խորագիրը:

Անտիպ և մամուլից հավաքված նյութերի հատորում ամփոփված են հեղինակի հարցազրույցները, գրաքննադատական, հրապարակախոսական հոդվածները, քաղաքական ֆելիետոնները, ելույթները և այլն:

Գիրքը հրատարակության է պատրաստել և ծանոթագրությունները կազմել հեղինակի որդին՝ բանասիրական գիտությունների թեկնածու Վահագն Սարգսյանը: Հրատարակությունը նվիրվում է Մկրտիչ Սարգսյանի ծննդյան 100-ամյա հոբելյանին: