Եթե վաղը սրանք մտան թուրքի տակ ու սահմանը բացեցին՝ էդ խաղողի այգիներն էլ չեք ունենալու․ Աղվան Վարդանյան

«Հայաստան» խմբակցության պատգամավորները շարունակում են մարզային հանդիպումները․ հերթական հանդիպումը Արմավիրի մարզի Արմավիր գյուղում էր, որին ներկա էին ՀՅԴ Հայաստանի ԳՄ ներկայացուցիչ, «Հայաստան» խմբակցության պատգամավոր  Իշխան Սաղթելյանը,  պատգամավորներ՝  Լևոն Քոչարյանը, Աղվան Վարդանյանը, Աննա Գրիգորյանը, Ագնեսա Խամոյանը, Գեղամ Մանուկյանը, Աշոտ Սիմոնյանը և այլք։ 

Դիմելով ներկաներին  ԱԺ «Հայաստան» խմբակցության պատգամավոր Աղվան Վարդանյանն ասաց

«Սա ձեր երկիրն է։ Հայաստանը բազմազան է, Հայաստանը տարբեր մարզեր, տարբեր բնավորություններ ունի, բայց այս երկիրը ձեր երկիրն է։ Այս երկիրը կարող է լինել ուժեղ երկիր, կազմակերպված երկիր, հարուստ երկիր, բոլորի հետ նորմալ հարաբերություն ունեցող երկիր և բարեկեցիկ ապրեք։ Ի՞նչ վիճակ է սա։ Ընտանիք չկա, որ իր անդամների կեսը դրսերում չեն թափառում։ Ի՞նչ է փոխվել։ Եկել էին բան փոխելու։ Ինչ եղել ավելի վատ է եղել, բոլոր դեպքերում ձախողել են։ Մեր նպատակը մեկն է ու դուք, վստահ եմ, մեր կողքին եք, պիտի կազմակերպվենք, պիտի հավատանք, որ այս վիճակից դուրս գալու հնարավորություն կա»։ 

Մանրամասն՝ տեսանյութում։