կարևոր
2041 դիտում, 1 ամիս առաջ - 2024-02-23 18:03
Քաղաքական

Ադրբեջանի ԱԳՆ-ն պատասխանել է Փաշինյանին

Ադրբեջանի ԱԳՆ-ն պատասխանել է Փաշինյանին

Ադրբեջանի ԱԳՆ-ն անհիմն է անվանել Հայաստանի վարչապետ Նիկոլ Փաշինյանի խոսքերն այն մասին, որ Բաքուն պատրաստվում է պատերազմի Հայաստանի դեմ։ 

Նախօրեին Փաշինյանը ֆրանսիական France24 հեռուստաալիքին տված հարցազրույցում ասել էր, որ Հայաստանի և Ադրբեջանի միջև խաղաղություն ներկայումս անհնար է, քանի որ, ըստ նրա, ադրբեջանական կողմը պատրաստվում է հարձակվել Հայաստանի վրա։

«Այն պնդումները, թե իբր Ադրբեջանը պատրաստվում է հարձակվել Հայաստանի վրա, չի համապատասխանում միջազգային իրավունքին, առկա փաստերի ակնհայտ խեղաթյուրում է և նպատակ ունի մոլորության մեջ գցել միջազգային հանրությանը»,- ասված է Ադրբեջանի ԱԳՆ հայտարարության մեջ։

Բաքուն նշում է, որ հայկական կողմի նման հայտարարությունները, որոնք արվել են Ֆրանսիայում Ադրբեջանի և Հայաստանի ղեկավարների վերջին հանդիպումից հետո, որը տեղի է ունեցել Գերմանիայի կանցլերի նախաձեռնությամբ, անհարգալից վերաբերմունք է Գերմանիայի ջանքերի նկատմամբ, ինչը «կարելի է վկայություն համարել Ֆրանսիայի շարունակական բացասական ազդեցությանը խաղաղ գործընթացի վրա»։