Հայրենիքը մաս-մաս կորցնելու ենք այնքան ժամանակ, քանի դեռ հանդուրժում ենք մեկին, ով բոլոր «պրոբլեմները» պայմանավորում է «կախիչի» որակով․ Հասրաթյան

Արցախի ՊԲ պահեստազորի գնդապետ, Արցախի զինված ուժերի տեղեկատվության և հասարակայնության հետ կապերի բաժնի նախկին պետ Սենոր Հասրաթյանը գրում է․

«...Թե բա «...պետությունը այն տարածքն է, որտեղ որ մենք ապրում ենք» և «հետևաբար հայրենիքը պետությունն է...»

Չէ՜, պետությունը Հայրենիք չէ, պետությունը (եթե հզոր ու ինքնաբավ չէ) կարող է միայն գոյություն ունենալ Հայրենիքի մի մասի վրա, ինչպես մեր դեպքում է...

...Հզոր ու ինքնաբավ պետություններն են Հայրենիք պահում...

Հ.գ.-Հայն իր Հայրենիքը մաս-մաս կորցնելու է այնքան ժամանակ, քանի դեռ հանդուրժում է մեկին, ով իր երկրի բոլոր «պրոբլեմները» պայմանավորում է հանդերձարանի «կախիչի» որակով... Այնինչ, նախօրեին բքի պատճառով կորած զինծառայողին դեռ շարունակում են փնտրել...»։