Վերին Լարսի անցակետում հայկական գյուղմթերքով բեռնված բեռնատարները առաջ չեն շարժվում․ Գառնիկ Դանիելյան

«Տևական ժամանակ է, ինչ Վերին Լարսի անցակետում հայկական գյուղմթերքով բեռնված բեռնատարները առաջ չեն շարժվում», - հայտնում է ՀՀ ԱԺ «Հայաստան» խմբակցության պատգամավոր, ՀՅԴ Տավուշի Մարզային կոմիտեի ներկայացուցիչ Գառնիկ Դանիելյանն ու մանրամասնում․

«Ծանրաբեռնվածությունը այս անգամ պայմանավորված է Ֆիտոսանիտարիայի մանրամասն զննմամբ։

Մեր տեղեկություններով, մի քանի բեռնատար արդեն ետ է վերադարձել, իսկ մոտ 200 բեռնատար հերթում սպասում են։

Զննումը միանգամայն հասկանալի է, սակայն այն չպետք է հանգեցնի խնդիրների, որոնց պատճառով տնտեսվարողները ֆինանսական վնասներ կկրեն։

Հարցի վերաբերյալ պատրաստվում եմ գրություն ուղարկել Էկոնոմիկայի նախարարությանը։ Որքան ժամանակ է առկա է խնդիրը, իսկ պատկան մարմինները քայլեր չեն ձեռնարկում այս ուղղությամբ»։