Շուրջ 700 բեռնատար մնացել է Վերին Լարսի անցակետում

Վերին Լարսի անցակետում ա հայկական մոտ 700 բեռնատար սպասում է անցնելուն։ Այդ մասին լրատվամիջոցների հետ զրույցում ասել է ՌԴ-ում Հայաստանի դեսպանության մաքսային կցորդ Վահան Հակոբյանը:

Վերջին տվյալներով՝ Հայաստանից դուրս է եկել մոտ 300 բեռնատար, որոնց մի մասը գտնվում է Վրաստանի տարածքում, մյուս մասը մաքսազերծում է անցնում Վերին Լարսի անցակետում:

«Ռուսաստանից վերադառնում է մոտ 300-400 բեռնատար, նրանք սպասում են ճանապարհի բացմանը, որպեսզի վերադառնան ՀՀ», - մանրամասնել է նա։

Վահան Հակոբյանի փոխանցմամբ՝ Մցխեթա-Ստեփանծմինդա-Լարս ճանապարհի Գուդաուրի-Կոբի հատվածում տեղացած առատ ձյան պատճառով Խաչի լեռնանցքը երկու ուղղություններով փակ է բեռնատարների համար: Ճանապարհը շարունակում է բաց մնալ մարդատար մեքենաների համար։