Նեթանյահուն կորցրել է ժողովրդի աջակցությունը, նա պոպուլիստ է․ Էրդողան

Թուրքիայի նախագահ Ռեջեփ Թայիփ Էրդողանը Իսրայելի վարչապետ Բենիամին Նեթանյահուին անվանել է պոպուլիստ, որը զրկվել է Իսրայելի ժողովրդի աջակցությունից: Այս մասին նա լրագրողներին ասել է ինքնաթիռում Աստանայից վերադառնալիս։

«Նեթանյահուն մեկն է, ով կորցրել է իր քաղաքացիների աջակցությունը։ Այն, ինչ անում է այդ մարդը, զուտ PR աշխատանք է, պոպուլիստական մոտեցում։

Իսրայելի վարչակազմը համակարգված կերպով յուրացնում է պաղեստինցիների տները, փողոցները, աշխատատեղերն ու կենսական տարածքը։ Ստորագրվում են փաստաթղթեր, որոնք նրանց կյանքի իրավունք չեն տալիս»,-հայտարարել է Թուրքիայի նախագահը։

Նրա խոսքով ՝ Եվրոպայում գրվում է երկակի ստանդարտների, անսկզբունքայնության և անօրինականության պատմությունը։