Պուտինը և Փաշինյանը քննարկել են ԼՂ-ում ռուս խաղաղապահների հետագա գործունեությունը

Ռուսաստանի նախագահ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ և քննարկել Լեռնային Ղարաբաղի շուրջ ստեղծված իրավիճակի զարգացումը։ Այս մասին հայտնում է Կրեմլի մամուլի ծառայությունը։

«Հայկական կողմի նախաձեռնությամբ հեռախոսազրույց է տեղի ունեցել ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի միջև։ Քննարկվել են Լեռնային Ղարաբաղի շուրջ ստեղծված իրավիճակի վերջին զարգացումները»,- նշված է հաղորդագրության մեջ։

Հեռախոսազրույցում կողմերը քննարկել են Լեռնային Ղարաբաղում ռուս խաղաղապահների հետագա աշխատանքը, այդ թվում՝ խաղաղ բնակչությանը օգնություն ցուցաբերելը։

«Չնայած բարդ պայմաններին, խաղաղապահները շարունակում են ճշգրիտ կատարել իրենց առաջադրված խնդիրները և համակողմանի օգնություն ցուցաբերել խաղաղ բնակչությանն ու փախստականներին, այդ թվում՝ ռազմական բժիշկների ուժերով», - ասված է Կրեմլի հաղորդագրության մեջ։