Քաղաքացիները տագնապած են․ ծորակի ջրից գարշահոտ և ժանգի համ են զգում․ Գառնիկ Դանիելյան

Քաղաքացիները հայտնում են, որ վերջին շրջանում զգում են խմելու ջրի որակի փոփոխություն; Նշում են, որ փոխվել է ջրի համը և որակը․ զգում են գարշահոտ և ժանգի համ։

Բազմաթիվ քաղաքացիներ հրաժարվում են ծորակից ջուր խմելուց՝ պարզաբանելով, որ սրտխառնոց և փորացավ է առաջանում։

Մարդիկ ստիպված են լինում ջուր գնել խանութներից՝ ծախսելով լրացուցիչ գումարներ։

Որոշ քաղաքացիներ դիմել են «Վեոլիա Ջուր» ընկերությանը՝ նմուշառում իրականացնելու նպատակով, սակայն, ընկերության պատասխանը, թե ջրի որակի փոփոխություն չկա, չի գոհացրել նրանց։

Հաշվի առնելով հանրային առողջության կարևորությունը, հարցում եմ ուղղել ՀՀ Առողջապահական և աշխատանքի տեսչական մարմնին, թե արդյո՞ք ուսումնասիրվում է խնդիրը և ջրի որակը պարզելու նպատակով իրականացվե՞լ է նմուշառում։

Գառնիկ Դանիելյան

ՀՀ ԱԺ «Հայաստան» խմբակցության պատգամավոր

ՀՅԴ Տավուշի Մարզային կոմիտեի ներկայացուցիչ