կարևոր
2239 դիտում, 11 ամիս առաջ - 2023-06-22 13:13
Քաղաքական

ՀՅԴ Լիբանանի Հայ Դատի Մարմին. «Ազրպէյճան Պատերազմական Գործողութիւններու Շղթայազերծման Նախապատրաստական Աշխատանք Կը Տանի»

ՀՅԴ Լիբանանի Հայ Դատի Մարմին. «Ազրպէյճան Պատերազմական Գործողութիւններու Շղթայազերծման Նախապատրաստական Աշխատանք Կը Տանի»

ՀՅԴ Լիբանանի Հայ դատի մարմինը երէկ լիբանանեան լրատուամիջոցներուն յղեց հաղորդագրութիւն մը, որուն մէջ նշեց, թէ ազրպէյճանական կողմը վերջին օրերուն զինուորական գործողութիւններու շղթայազերծման աշխուժ նախապատրաստութիւն կը կատարէ:

Ազրպէյճանական լրատուամիջոցները` սահմանամերձ տարբեր շրջաններու մէջ ազրպէյճանական կողմի զինադադարի խախտման տարբեր դէպքերը թաքցնելու փորձով մը, 11-19 յունիսին հրապարակեցին շուրջ 25 ապատեղեկատուութիւն, իբրեւ թէ հայկական զինեալ ուժերու ստորաբաժանումները խախտած են զինադադարը:

19 յունիսին ազրպէյճանական լրատուամիջոցներ հաղորդեցին հրթիռներու եւ հրետանիի կիրարկմամբ ռազմափորձի մասին, այդպիսով թաքցնելով վերջին 2-3 օրերուն Սիւնիքի շրջանի Նռնաձոր, Շիկահող, Խնձորեսկ, Կոռնիձոր, Տեղ, Խնածախ եւ Խոզնավար գիւղերուն ուղղութեամբ Ազրպէյճանի զինեալ ուժերուն կատարած գործողութիւնները:

Վերոնշեալ ուղղութիւններով ուժերու եւ զինուորական սպառազինութեան կուտակում նշմարուած է, եւ զինուորական գործողութիւններու ձեռնարկման աշխատանքներ կը կատարուին:

ՀՅԴ Լիբանանի Հայ դատի մարմինը նաեւ յիշեցուց, որ Ազրպէյճան կը շարունակէ Արցախի շրջափակումն ու մարդասիրական ճգնաժամը: