«Թուրքի ատամը քանի կտրում ա, հա էլ վերցնելու ա»

«Թուրքի ատամը քանի կտրում ա, հա էլ վերցնելու ա»

Սոթքի բնակիչ

«Հայաստան» խմբակցության գործընկերների հետ` տեղում իրավիճակին ծանոթանալուհամար այցելել ենք Սոթք և Կութ համայնքներ:

Նախ` Ռազմական ոստիկանության աշխատակիցները փորձեցին արգելել Սոթք մեր այցելությունը` պատճառաբանելով, որ նման հրաման ունեն: Այտուհանդերձ Սոթք և Կութ այցելել ստացվեց:

Այցելության ողջ ընթացքում` առավոտվա համեմատությամբ նվազ ինտեսիվությամբ, Ադրբեջանը շարունակում էր կրակել հայկական դիրքերի ուղղությամբ:

Հայկական կողմը պատասխանում էր թշնամու գործողություններին:

Ինչ վերաբերում է բնակիչներին`

Բնակավայրերից բնակիչները չեն տարհանվել, շարունակում են մնալ իրենց տներում: Գյուղերում են նաև կանայք և երեխները: Սակայն եթե իրավիճակը շարունակի լարվել, այս պատկերը կփոխվի:

Սոթքում մանկապարտեզում և դպրոցում իրավիճակով պայմանավորված դասապրոցեսը կազմակերպվել է առցանց:

Ո՞րն է ամենամեծ խնդիրը

Պետության ամբողջական բացակայությունը: Բնակիչները ունեն տասնյակ հարցեր, մտահոգություններ, որոնք չպետք է թույլ տալ, որ վերածվեն խուճապի, կենցաղային խնդիրներ, որոնք կարող են լուծվել միայն պետական մակարդակով: Սակայն այս բոլոր ուղղություններով որևէ քայլ չի արվում:

Իշխանությանը սպառնալիք ներկայացնող գործողության դեպքում մենք կտեսնեիք նախօրոք ծրագրված հստակ (անգամ անօրինական) գործողություններ, իսկ երբ խոսքը Հայաստանին և հայ ժողովրդին սպառնացող վտանգի մասին է` լավագույնը, որ տեսնում ենք, անգործությունն է:

Քրիստինե Վարդանյան

ՀՅԴ անդամ, 

ՀՀ ԱԺ «Հայաստան» խմբակցության պատգամավոր