Փաշինյանն իրավունք ունի՞ ճանաչելու Ադրբեջանի սահմանները. մասնագետը հիշեցնում է ամենակարևորի մասին

Հայաստանի կառավարության ղեկավարն ակնկալում է, որ Երևանն ու Բաքուն կճանաչեն միմյանց տարածքային ամբողջականությունը։ Կարո՞ղ է Փաշինյանը գնալ այս քայլին. պարզաբանում է  Մարիամ Հովսեփյանը. գրում է Царьград.tv-ին։

Ապրիլի 18-ին ադրբեջանական զինուժը կրակ է բացել Լեռնային Ղարաբաղում գյուղատնտեսական աշխատանքներով զբաղվող խաղաղ բնակիչների վրա։ 

Նույն օրը Հայաստանի կառավարության ղեկավարը հայտարարեց Ադրբեջանի տարածքային ամբողջականությունը ճանաչելու պատրաստակամության մասին և ի պատասխան խնդրեց ճանաչել Հայկական ԽՍՀ սահմանները։

Քաղաքագետ Մարիամ Հովսեփյանը «Ցարգրադ»-ի հետ զրույցում հիշեցրել է, որ տարածքային ամբողջականությունը ճանաչվում է ՄԱԿ-ի կանոնադրության համաձայն։ Ուստի Նիկոլ Փաշինյանը, ըստ փորձագետի, իսկապես կարող է գնալ այս քայլին, քանի որ ունի նման իրավունք։

«...Նա իրավաբանորեն կամ ֆորմալ իրավունք ունի ճանաչելու ցանկացած երկրի տարածքային ամբողջականությունը, օրինակ՝ նույն Ռուսաստանի, եւ Ղրիմը ճանաչի որպես Ռուսաստանի մաս»,- ընդգծեց Հովսեփյանը։

Այդուհանդերձ, քաղաքագետը հորդորեց ուշադրություն դարձնել հարցի բարոյական կողմին, այլ ոչ միայն իրավականին։

«Բայց, իմ կարծիքով, նա ոչ բարոյական, ոչ իրավական իրավունք ունի ղարաբաղցիների փոխարեն որոշել, որ նրանք պետք է շարունակեն ապրել Ադրբեջանի կազմում, քանի որ իրենք դա չեն ուզում»,- եզրափակեց Մարիամ Հովսեփյանը։

Շատ փորձագետներ նշում են, որ վախենում են պատկերացնել, թե ինչ կլինի Ղարաբաղի բնակիչների հետ այն բանից հետո, երբ Հայաստանի ղեկավարությունը վերջնականապես լքի նրանց։ Ի վերջո, եթե հիմա Ադրբեջանը կարող է օրը ցերեկով կրակ բացել, ապա ինչ կլինի հետո։