ՀՅԴ անունից մասնակցել եմ ՉԿԿ կազմակերպած «Չինաստանի կոմկուսի աշխարհի քաղաքական կուսակցությունների երկխոսություն» խորագրով հեռավար համաժողովին. Մանուկյան

Հայ Յեղափոխական Դաշնակցության անունից այսօր առիթ ունեցա մասնակցել Չինաստանի Կոմունիստական կուսակցության կազմակերպած «Չինաստանի կոմկուսի աշխարհի քաղաքական կուսակցությունների երկխոսություն» խորագրով հեռավար համաժողովին:

Քննարկումը նախագահում էր ՉԿԿ գլխավոր քարտուղար, Չինաստանի Ժողովրդական հանրապետության նախագահ Սի ՑինՊինը: Հեռավար համաժողովի պատվիրակների թվում էին Լատինական Ամերիկայի, Ասիայի, Եվրոպայի տարբեր երկրների ղեկավարներ, կուսակցությունների առաջնորդներ: Պատվիրակները հնարավորություն ունեցան քննարկել ժամանակակից աշխարհում գլոբալ մարտահրավերները, բազմաբևեռությունը և քաղաքական, գաղափարական փոփոխությունների անհրաժեշտությունը: Համաժողովին նախորդել էր Չինաստանի կոմկուսի հերթական համագումարը, և սա դիտվում էր իբրև առաջին նման զանգվածային համաշխարհային համաժողովը:

Գեղամ Մանուկյան 

ՀՅԴ անդամ,

ՀՀ ԱԺ «Հայաստան» խմբակցության պատգամավոր