ՏԵՍԱՆՅՈՒԹ․ Բախում Աբովյան փողոցում․ Սայաթ Շիրինյանին և այլ ակտիվիստների բիրտ ուժով բերման ենթարկեցին

Ոստիկանների և խաղաղ անհնազանդության երթի մասնակիցների միջեւ բախում տեղի ունեցավ Աբովյան փողոցում՝ հայտնում է Yerkir.am-ը։

Ոստիկանները հատուկ գործողություն իրականացրին, որի ընթացքում քաշքեցին և բռնի ուժ կիրառեցին ոչ միայն խաղաղ քաղաքացիների, այլև երթը գլխավորող պատգամավորների հանդեպ։

Կոպիտ ուժով բերման ենթարկեցին «Հայաստան» դաշինքի անդամ Սայաթ Շիրինյանին եւ այլ քաղաքական, հասարակական գործիչների, երիտասարդ ակտիվիստների։

Հաստավիզ ոստիկանները «չխնայեցին» անգամ երթին միացած դեռահասին՝ մի քանի հոգով նրան քաշքշելով։

Կարմիրբերատավորներն ապօրինի գրոհեցին խաղաղ երթի մասնակիցների վրա, որոնք պարզապես քայլում էին փողոցով, անգամ այն չէին փակել։

Վաղ առավոտից զանգվածային անհնազանության ակցիաները վերսկսվել են գրեթե բոլոր փողոցներում։ Արդեն 4-րդ օրն է՝ փողոցներ և մայրուղիներ են փակվում ոչ միայն մայրաքաղաքում, այլև մարզերում։

Մանրամասն՝ տեսանյութում․