Եթե զինվորը կանգնած է սահմանին, դա խաղաղություն չէ․ Նիկոլ Փաշինյան

 

Ըստ Փաշինյանի՝ Հայաստանի շուրջ մեծ ագրեսիվություն կա ու  ոչ միայն այնտեղ, որտեղ տեսնում ենք.  կա բազմաթիվ այլ տեղերում, և պետք է կառավարել ագրեսիվությունը, ուրիշ տարբերակ չկա:

 

Փաշինյանն անդրադարձավ ևս մեկ դիտարկման. «Ասում են՝ ժամկետայիններին հետ բերեք, պայմանագրայիններին տարեք, իսկ, կներեք, եթե պատերազմ սկսեց, բոլորը պետք է գնան առաջնագիծ: Մենք չենք ուզում ժամկետայիններին տանենք, պայմանագրայիններին բերենք, մենք ուզում ենք բոլորին հետ բերենք, որովհետև մենք ուզում ենք ունենալ սահման ու սահմանապահներ. քանի սահմանին զինվոր է կանգնած, դա խաղաղություն չէ, խաղաղությունն այն է, երբ սահմանին կանգած է սահմանապահ, ու հարցերը կարգավորվում են սահմանային նշանների միջոցով, ոչ թե դիրքերի, բարձունքների: Մենք մոտ հազար զոհ ենք ունեցել խաղաղության ժամանակաշրջանում, մի մասը ոչ մարտական պայմաններում. դա խաղաղություն չէ»,- ընդգծեց Փաշինյանը: