Հայաստանում շարունակվում է Արցախի պետական դրոշի հաղթարշավը. Իշխան Սաղաթելյան

Հայաստանում շարունակվում է Արցախի պետական դրոշի հաղթարշավը: Այս մասին ֆեյսբուքյան իր էջում գրել է ԱԺ փոխխոսնակ Իշխան Սաղաթելյանը՝ հրապարակելով այն քաղաքների անունները, որտեղ արդեն տեղադրվել է Արցախի դրոշը:

Նա, մասնավորապես, նշել է. «Արցախի դրոշը տեղադրվել է Չարենցավանում, Գյումրիում, Աբովյանում, Սևանում, Արմավիրում ու Էջմիածնում։

«Բոլոր այս քաղաքները միացան իշխանությունների հակազգային քաղաքականության մերժման արշավին։ Հայաստանը ոտքի է կանգնում և բարձր գոչում՝ Արցախ։ Մարդիկ ցույց են տալիս, որ իրենք կարող են տեղերում կազմակերպվել և, ի հակառակ օրվա իշխանությունների, Արցախի խնդիրը նորից դարձնել համազգային օրակարգի գլխավոր հարց։

Կեցցե՛ք, սիրելի՛ հայրենակիցներ։ Պաշտպանենք Արցախը՝ փրկենք Հայաստանը»: