Մահացել է Վլադիմիր Ժիրինովսկին

ՌԴ Պետդումայի ղեկավար Վյաչեսլավ Վոլոդինը հայտնել է Վլադիմիր Ժիրինովսկու մահվան մասին. հայտնում է РИА Новости-ն։

«Ծանր և երկարատև հիվանդությունից հետո կյանքից հեռացավ Վլադիմիր Ժիրինովսկին: Վառ, տաղանդավոր քաղաքական գործիչ: Մարդ, որը խորապես հասկանում էր, թե ինչպես է աշխարհն աշխատում, և շատ բան էր կանխատեսում: Պետդումայի Լիբերալ-ժողովրդավարական կուսակցության խմբակցության ղեկավարը: Նա միշտ գտնվում էր իրադարձությունների կիզակետում: Նրա անհատականությունն այնքան մեծ է, որ առանց նրա դժվար է պատկերացնել ժամանակակից Ռուսաստանի քաղաքական համակարգի զարգացման պատմությունը»,- գրել է Վոլոդինը Telegram-ի իր ալիքում՝ հավելելով, որ Ժիրինովսկու գործունեության գնահատականը նրան մշտապես ընտրողների աջակցությունն է։