Ռուս-ուկրաինական պատերազմի մասին

Դատելով տեղ հասնող լուրերից՝ ռուսները ԱՐԱԳՈՐԵՆ ՀԵՏ ԵՆ ՔԱՇՎՈՒՄ Ուրկաինայի հյուսիսային ճակատից: Ուկրաինացիները զվարթ կերպով հատարարում են իրենց կողմից ազատագրված բնակավայրերի մասին, տեղադրում են նկարներ և վիդեոներ: Պարզ է, պաշտոնական Կիևը սա ներկայացնում է որպես իր հաղթանակ, սակայն մարտավարական մակարդակում դա այնքանով այդպես չէ, որ իրականում ԱՅԴ ռուսներն են հետ քաշվում, ՈՉ ԹԵ ուկրաինացիներն են ռազմական ուժ կիրառելով մտնում նույն այդ բնակավայրերը: Ինչ վերաբերում է ռազմավարական մակարդակին, ապա, այո, ռուսները Կիևի և Չեռնիգովի մոտ ԱՆՀԱՋՈՂՈՒԹՅԱՆ ԵՆ ՄԱՏՆՎԵԼ, սա արդեն փաստ է: Միաժամանակ ես այնուհանդերձ չէի շտապի այդ փաստից հեռուն գնացող հետևություններ անել, քանի որ, այո, այդ ճակատում կա ռազմավարական անհաջողություն, սակայն պատերազմը դեռևս շարունակվում է, իսկ ընդհանուր առավելությունն էլ ԱՅՆՈՒՀԱՆԴԵՐՁ Ռուսաստանի Դաշնության կողմում է: