ՌԴ–ն Հայաստանին հրշեջ-փրկարարական գույք-սարքավորումներ և հատուկ ավտոմեքենաներ է նվիրել

Ռուաստանը Հայաստանին հրշեջ-փրկարարական գույք-սարքավորումներ և հատուկ ավտոմեքենաներ է նվիրել, որոնց ցանկը այսօր ԱԻ նախարարի պարտականությունների ժամանակավոր կատարող Արմեն Փամբուխչյանին ներկայացրել է ՌԴ ԱԻՆ միջազգային գործունեության վարչության տնօրեն Վլադիմիր Սոլովյովը, որը Հայաստան է ժամանել հումանիտար օգնություն փոխանցելու նպատակով:

Ա. Փամբուխչյանը շնորհակալություն է հայտնել ռուսական կողմին ակտիվ և արդյունավետ համագործակցության համար՝ մասնավորապես բարձր գնահատելով ներդրումը «Ռուս-հայկական մարդասիրական արձագանքման կենտրոն»-ի զարգացման և վերազինման աշխատանքներում: Նա համոզմունք է հայտնել, որ ձևավորված գործընկերությունը և համագործակցությունը շարունակական կլինեն: Արմեն Փամբուխչյանն անդրադարձել է նաև ընթացիկ համատեղ ծրագրերին, դրանց իրականացման ժամկերտներին և հնարավորություններին:

Վլադիմիր Սոլովյովը ևս բարձրաձայնել է արդյունավետ փոխգործակցության փաստը:

Քննարկվել են «Ռուս-հայկական մարդասիրական արձագանքման կենտրոն»-ի տարածքում բազմաֆունկցիոնալ անգարային համալիրի կառուցման ծրագրի ընթացքը, ինչպես նաև՝ կենտրոնի հետագա զարգացմանն ուղղված համագործակցության հեռանկարները: