ԵՄ-ն չի կարողանա ռուսական գազին փոխարինող գտնել

Եվրամիությունը չի կարողանա Ռուսաստանից մատակարարվող գազին ամբողջական փոխարինող գտնել. հայտարարել է ֆրանսիական Engie էներգետիկ կոնցեռնի ղեկավարը։

«Այն ռեսուրսները, որոնք մենք ներկայումս ունենք, սահմանափակ են: Դրանք բավարար չեն ամբողջ գազը փոխարինելու համար, որը մենք այժմ ստանում ենք Ռուսաստանից»,- ասել է Քեթրին Մակգրեգորը Les Echos թերթին տված հարցազրույցում։

Նա հիշեցրել է, որ ԵՄ-ի կողմից սպառվող գազի մոտ 40%-ը ռուսական ծագում ունի։ Իսկ Արեւելյան Եվրոպայի որոշ երկրներում կախվածությունը 100% է:

«Մատակարարումների դադարեցումը կունենա ծանր և շատ արագ հետևանքներ, այս դեպքում մենք կմտնենք նոր էներգետիկ իրականություն՝ աննախադեպ սակագնային շոկով»,- ասել է նա։

«Ինչ վերաբերում է ածխին, մենք ավելի շատ ենք կախված Ռուսաստանից»,- ամփոփել է Engie-ի գործադիր տնօրենը։