Գնաճ է լինելու․ լավատեսական ոչինչ չի սպասվում․ Նիկոլ Փաշինյան

Էկոնոմիկայի նախարար Վահան Քերոբյանն այսօր կառավարության նիստում ներկայացրեց գյուղատնտեսությամբ զբաղվող փոքր ֆերմերներին պարարտանյութերով աջակցելու ծրագիրը:

Երեկ ԱԺ ամբիոնից մատ թափ տվող Նիկոլ Փաշինյանն էլ լրացրեց Քերոբյանին՝ այս ծրագրով իրենք արձագանքում են գնաճին, մասնավորապես՝ պարարտանյութերի շուկայում առկա գնաճին։

«Բայց նաև պետք է արձանագրենք, որ վերջին 2 տարիների ընթացքում գնաճային, պայմանական ասած, երկրաշարժեր են տեղի ունենում»,- ասաց նա:

Ապա թվարկեց այդ «գնաճային երկրաշարժերը»` առաջինը քովիդն էր, երկրորդը՝ աշխարհաքաղաքական զարգացումները, Ուկրաինայում տեղի ունեցող իրադարձությունները: 

«Այս առումով լավատեսական ոչինչ չի սպասվում առաջիկայում։ Ակնհայտ է, որ աճելու են նաև գյուղատնտեսական արտադրանքի գները և չմշակվող հողերի շահութաբերություն կարող է գոյանալ»,- հպարտ քաղաքացիներին հոռետոսություն ներշնչեց Փաշինյանը։

Վերջում ավելացրեց, որ ավանդական գյուղատնտեսությունը, կապված ջրի և կլիմայական փոփոխությունների հետ, ապագա և հեռանկար չունի: