Ռուբլու անկման պատճառները

Պատճառը այն չի որ Ռուսաստանի ԿԲ-ն փող չունի ( ունի ու բավականին շատ ) այլ այն որ դրանք սառեցվել են ու չի կարող ինտերվենցիա անել։

Սա իհարկե լուրջ հարված է Ռուսաստանին բայց սա նաև լուրջ խնդիր է հենց արևմուտքի համար։ Որովհետև ներկայիս միջազգային ֆինանսական համակարգի հիմքերը դրվեցին Բրետոն Վուդսում 1944-ին, որն էլ տարբեր փոփոխություններով աշխատում է մինչև հիմա։ Չնայած մերթ ընդ մերթ դժգոհողներ են լինում, բայց այն փոխելու առանձնապես ստիմուլ չկա։

Բայց այսուհետ ցանկացած լուրջ պետության համար պարզ է, որ իրեն այլընտրանքային ֆինանսական համակարգ է պետք եթե մտադիր է պաշտպանել իր քաղաքական ինքնաբավությունը։ Ու այդպիսի այլընտրանքային ինֆրաստրուկտուրա մանրից ստեղծում է Չինաստանը։ Ի դեպ SWIFT-ի այլընտրանք էլ ոնց որ առաջանում է CIPS անունով։ Սա բազմապատիկ անգամ ավելի լուրջ խնդիր է արևմուտքի համար քան նույնիսկ մի ամբողջ Ուկրաինա կորցնելը։ Չինաստանն էլ սա լավ հասկանում է։ Որովհետեւ ինքն էլ հսկայական դոլարային ռեզերվներ ունի։ Եվ իր համար պարզ է, որ Թայվան հետ բերելու մասին խոսք չի կարող լինել եթե դեռ չկա այլընտրանքային ֆինհամակարգ։ Դե Արևմուտքի դոլարային թևի համար էլ ֆինհամակարգի մենաշնորհը կենաց ու մահու խնդիր է։ Եվրո թևի համար ոչ այդքան սուր։ Բոլորի համար հարցերը շատ սուր են դրված։