Բերդիմուհամեդովը հայտարարել է հրաժարականի և երկրում արտահերթ ընտրություններ անցկացնելու մասին

Թուրքմենստանի նախագահ Գուրբանգուլի Բերդիմուհամեդովը հանձնարարել է ԿԸՀ-ին` սկսել արտահերթ նախագահական ընտրությունների անցկացման նախապատրաստական աշխատանքները։ Թուրքմենստանում արտահերթ նախագահական ընտրությունները տեղի կունենան մարտի 12-ին։

Ուրբաթ Ժողովրդական խորհրդի նիստում Բերդիմուհամեդովը, որը 15 տարի միանձնյա ղեկավարում է երկիրը, հայտարարել է իր պաշտոնը երիտասարդ առաջնորդի զիջելու մտադրության մասին՝ իրեն թողնելով միայն Հալք Մասլահաթիի նախագահի պաշտոնը (խորհրդարանի վերին պալատ)։

Բերդիմուհամեդովը հանրապետության ղեկավարի պաշտոնը ստանձնել է 15 տարի առաջ՝ նախկին առաջնորդ Սափարմուրատ Նիյազովի մահից հետո։ Մամուլը նշում է ներկայիս նախագահի որդու՝ Սերդարի անունը՝ որպես հավանական փոխարինող։ Այժմ նա զբաղեցնում է փոխվարչապետի պաշտոնը։