Տպավորություն է, որ ընտրվում է, թե ով կալանավորվի, ով՝ ոչ․ Երեմ Սարգսյան

Մենք դատական նիստի ժամանակ փորձում էինք հասկանալ, թե մեղադրվող անձանցից յուրաքանչյուրն ինչպես կարող է խոչընդոտել գործի քննությանը, եթե նախաքննության փուլն արդեն ավարտվել է: Այս մասին դատականի նիստից հետո լրագրողների հետ զրույցում ասաց ՀՀ պաշտպանության նախկին նախարար Դավիթ Տոնոյանի փաստաբան Երեմ Սարգսյանը:

«Ես համարում եմ, որ, օրինակ, Արտակ Դավթյանի դեպքում շատ ճիշտ են արել, որ կալանքը չեն կիրառել, բայց դա պետք է տարածվի նաև մյուսների նկատմամբ: Նրանք պետք է ազատության մեջ լինեն, թեկուզ գրավ կիրառվի, պատճաշ վարքագիծը ապահովվի, և քննություն տարվի ու պարզեն՝ անձինք մեղավոր են, թե՝ չէ»,- ասաց նա: