ՆԱՏՕ-ն երբեք չի խոստացել չընդլայնվել. Ստոլտենբերգը պատասխանել է ՌԴ-ին

ՆԱՏՕ-ի գլխավոր քարտուղար Իենս Ստոլտենբերգը DPA-ին ասել է, որ դաշինքը երբեք չի խոստացել չընդլայնվել։

«ՆԱՏՕ-ն երբեք չի խոստացել չընդլայնվել։ Անգամ մեր կազմակերպության հիմնադիր պայմանագրում ասվում է, որ յուրաքանչյուր եվրոպական պետություն կարող է դառնալ դաշինքի անդամ», - «ՌԻԱ Նովոստի»-ն մեջերում է նրա խոսքերը։

Ստոլտենբերգը նշել է, որ կան մի շարք միջազգային պայմանագրեր, որոնք ասում են, որ «յուրաքանչյուր պետություն կարող է ազատորեն որոշել իր ճակատագիրը»։

«Սա եվրոպական անվտանգության հիմնարար սկզբունքն է, որին հետևել է Ռուսաստանը։ Մենք չենք կարող դա փոխել մի քանի մեջբերումներով: Բացի դրանից` դաշնակիցները հերքում են, որ նման խոստումներ երբևէ տրվել են: Խորհրդային Միության նախկին նախագահ Միխայիլ Գորբաչովն ինքն է ասել, որ ՆԱՏՕ-ի` դեպի Արևելք ընդլայնման հարցը չի քննարկվել մինչև Գերմանիայի վերամիավորումը»,- ասել է Ստոլտենբերգը։