Հունաստանի վարչապետը զգուշացրել է Թուրքիային

Հունաստանի վարչապետը կոչ է արել Թուրքիային՝ դադարեցնել սադրիչ գործողությունները Հունաստանի դեմ Էգեյան և Արևելյան Միջերկրական ծովում։

Կիրիակոս Միցոտակիսը երկուշաբթի ասել է, որ եթե Թուրքիան ցանկանում է կարգավորել երկկողմ հարաբերությունները Եվրամիության հետ, ապա պետք է դադարեցնի Հունաստանի դեմ իր սադրիչ գործողությունները Էգեյան և Արևելյան Միջերկրական ծովում։

Սոֆիայում իր բուլղարացի գործընկեր Կիրիլ Պետկովի հետ համատեղ մամուլի ասուլիսում Միցոտակիսն ասել է, որ Հունաստանը ցանկանում է առաջընթաց ունենալ Թուրքիայի և Եվրամիության միջև հարաբերություններում։

Պատասխանելով բալկանյան երկու երկրների՝ փախստականների հոսքի հետ կապված առաջիկա խնդիրների մասին հարցին՝ նա ընդգծել է, որ Հունաստանի և Բուլղարիայի արտաքին սահմանները նույնպես եվրոպական սահմաններ են։ «Երկու երկրներն էլ արդյունավետորեն պաշտպանում են այս սահմանները՝ հարգելով մարդու իրավունքները», - ասել է Միցոտակիսը։

Հունական լրատվամիջոցները կիրակի օրը հայտնել են, որ Հունաստանը նախատեսում է Թուրքիայի հետ սահմանի պարիսպը երկարացնել երկրի հյուսիս-արևելք՝ Ֆերեսի շրջանում ևս 26 կիլոմետրով։

Հունաստանն ու Թուրքիան երկար ժամանակ բախվել են մի շարք հարցերի շուրջ, այդ թվում՝ փախստականների, որոնք ապաստան են խնդրում ԵՄ երկրներում՝ անցնելով հունա-թուրքական սահմաններով, չնայած 2016 թվականին ԵՄ-ի և Թուրքիայի միջև միգրացիոն հոսքերը զսպելու մասին համաձայնագրին: